Umsókn um aðild

Umsókn um inngöngu í félagið skal senda félaginu á netfangið tonskaldafelag@tonskaldafelag.is

Umsókn skal fylgja eftirfarandi gögn:

• Ferilskrá

• 2-3 tónverk sem endurspegla færni umsækjanda og þekkingu

Vinsamlegast athugið að umsækjandi þarf að vera skráður meðlimur í STEFi.

Ef það hentar ekki að senda verkin á tölvupósti má senda raddskrár, upptökur eða önnur fylgigögn í pósti á Laufásveg 40, 101 Reykjavík.

Opið er fyrir umsóknir allt árið, en þær eru afgreiddar einu sinni á ári. Þriggja manna nefnd mun fjalla um umsóknina og hún svo borin undir aðalfund til atkvæðagreiðslu.

Aðalfundir Tónskáldafélagsins eru haldnir á vorin og er umsóknum svarað eftir aðalfund. Næsti aðalfundur verður haldinn vorið 2024.

Félagsgjöld Tónskáldafélagsins eru 10000 krónur á ári.

Hver getur sótt um?

Úr lögum félagsins:

3. gr.

Félagsmenn í Tónskáldafélagi Íslands geta þeir orðið sem hafa aflað sér kunnáttu og reynslu í tónsmíðum eða annarri hljóðlist.

Umsækjendur skulu sýna fram á menntun á háskólastigi og/eða ótvíræða athafnasemi á sviði tón- eða hljóðsköpunar.

Nefnd þriggja félagsmanna hefur það hlutverk að taka umsóknirnar til skoðunar og leggja mat á þær. Nefndin skal kynna þær fyrir aðalfundi og mæla með eða gegn samþykki þeirra.

Fundurinn greiðir síðan leynileg atkvæði um inntöku allra umsækjenda og eru þær samþykktar sem hljóta að lágmarki sem nemur ¾ hluta atkvæða.

Á aðalfundi félagsins geta meðlimir kjörið heiðursfélaga úr hópi félagsmanna eða utan þess. Til þess þarf tillagan að hljóta að lágmarki ¾ hluta atkvæða.